5 Signs You Are Giving Too Much By Jun Bal Biscon
Di na ko matingala kon nganong but-an kay ka ug kon nganong manghinatagon kay ka tungod kay humok kaayo ang imong kasing² pero ang gusto nako lang bitaw nakong i-advice sa imo, ubani lang pod og saktong panghuna-huna ang imong kabuotan. I mean dapat kabalo ka kung kanus-a ka mohatag, kung unsa imong ihatag ug kung kinsa ang imong hatagan para di ka mahubsan kay kung sobraan man gud ka kabut-an o kamanggihinatagon, i-take advantage na sa ubang taw. Pero wa ko gaingon ha nga ay na'g panghatag kay di pod na maayo. When I say HATAG, dili pasabot nga kwarta lang na. Apil na diri ang imong oras ug atensyon. Mao ng timan-i nga kung wa kay boundaries, ikaw ang mag-antos sa ulahi. Ngano man? Kay kung mahubsan na ka, wa nay taw ang motabang nimo. Mao ng dapat balanse ang imong kabut-an para di na i-take advantage sa mga taw. Ang nakapait pa jud kung sobra na kang kabut-an kay ang mga tawng toxic na ang mosulod sa imong kinabuhi. Naa poy uban nga magpatabang bisa'g kaya na man nila. Sa sige nimo'g panghatag, mora ra'g gitudluan nimo ang mga taw nga magtinapol. Di na sila molihok kay maghulat na na sila kung unsa na pod imong ihatag. Mao ng gihimo ko ni nga video para mahibal-an nimo ang 5 ka senyales nga sobra na ang imong gipakita sa mga taw.
NUMBER 1
SIGE RA KA'G TANDO
Ana akong usa ka amigo, kung naa daw mangayo sa iya o manghulam og kwarta niya, di siya makabalibad kay mahadlok siya nga masuko sa iya ang maong taw. Mao ni problema sa kadaghanan. Pero timan-i nga wa kay utang nila. Di nimo obligasyon nga mobigay permi. Kung di nimo kaya ilang mga hangyo. Di man sayop kung mobalibad ka. Ang uban man gud mag abusar kung sige lang ka'g OO sa ilang gusto. Abusaran nila ang imong kabut-an. Mao ng kat-oni kung unsaon pagbalibad. Bisa'g suod pa na nimong higala. Di pasabot nga buhaton na nimo iyang mga hangyo. Kung tinood nimo silang higala, masabtan ka nila kung modili ka. You are not required to do anything that makes you feel uncomfortable or takes too much trouble.
NUMBER 2
WA NA KAY ORAS SA IMONG KAUGALINGON
Ang rason kon nganong magul-anon ka kay wa na kay oras para sa imong kaugalingon. Spending ME-TIME is actually very important. Bisa'g 15 minutes lang, mogaan imong pamati kung imong atimanon imong kaugalingon. Ang trahedya sa kalibotan kay di man ang kamatayon. Ang grabe nga trahedya bitaw kay kanang buhi ka pero gipasagdan ra nimo ang imong kaugalingon. Buhata ang makapalipay nimo. Spend time alone. That is the time for SELF-MOTIVATION, SELF-ANALYSIS, and to awaken your power within you.
NUMBER 3
IKAW ANG GAPAS-AN SA PROBLEMA SA UBAN
Pwede man kang motabang nila. Pwede nimo silang gayran. Pwede nimo silang tudlu-an. Pero ay'g pas-ana ang ilang problema. Pasagdi sila nga molihok aron sila makakat-on. Sa tinood lang. Naa man pod kay problema, di' ba? Ay na'g dungagi. Tanang sobra makadaot, ma-depress ka kung bug-at na kaayo imong problema. Malumos ka. There's also a possibility that by trying to help them, you might make something worse. Usbon lang nako ha, way daotan kung motabang ka. Pero ay pod pas-ana ilang problema. Focus on solving your problems first.
NUMBER 4
DI NA KA MALIPAYON
Kung nabati na bitaw nimo nga di na ka malipayon sa imong kinabuhi o di na ka malipayon sa imong ginabuhat, usa na na sa mga senyales nga sobra na ang paghatag nimo sa imong kaugalingon. Wa na kay gibilin. Tugoti pod ang natural nga tuyok sa kinabuhi. Unsa akong pasabot ana? Kung mohatag ka, dapat modawat pod ka. Dapat balanse ng duha. GIVE AND TAKE. The Universe operates through dynamic exchange.
NUMBER 5
NABUG-ATAN NA KA
Pero para sa ako, wa nako ni giisip nga negatibo kay kung mabug-atan bitaw ta, diri man gud mo-function atong utok para mangita'g paagi nga mogaan atong kinabuhi. Diri nimo mahibal-an nga sayop na diay ang imong ginahimo. Usahay man gud kinahanglan natong moagi sa kalisod para makakat-on ta. Sa gisulti nako ganina, pagbilin pod para sa imong kaugalingon. Ay'g ihatag ang tanan, kaluy-i pod ang imong kaugalingon. Sayon ra man ni hinumduman, di' ba? Tanang sobra makadaot. Ay si'g tando sa ila. Pagtuon pod kung unsaon pagbalibad. Solbara sa imong problema ayha ka motabang sa uban.
Kung buhaton ni nimo, sigurado nga mogaan ang imong kinabuhi.
- Jun Bal Biscon
Comments
Post a Comment