5 Tips To Stay Motivated By Jun Bal Biscon

5 Tips To Stay Motivated

Naa ba kay salig sa imong abilidad? Naa ba kay salig sa imong kaugalingon? Kung wa kay salig sa imong kaugalingon, dali ra kay ka madutla'g pagduha-duha. Kung magduha-duha na ka, maglisod na ka'g kab-ot sa imong pangandoy kay negatibo na man imong huna². Mao ng gihimo ko ni nga video para mahibal-an nimo ang 5 steps para motivated ka nga mopadayon.

NUMBER 1

PAGPOKUS SA IMONG KUSOG

Dali kay kang mo-give up kung sa weakness ka nakapokus. Dali ra kay kang ma-discourage kung di nimo makuha imong gusto. Mao ng ay pagpokus sa imong kahuyangan. Ay pod pagpokus sa imong kapildihan. Dapat magpokus ka sa imong nakat-onan. Ay pagpokus sa mga butang nga wa pa nimo nahimo. Didto ka magpokus sa mga butang nga nasugdan na nimo. Pareho ra man ta. Naa pod koy weakness. Mao ng gapokus ko permi sa akong mga nahimo para mas moginahan pa ko nga mopadayon.

NUMBER 2

TUDLO-I IMONG KAUGALINGON

Kung way laing taw ang motudlo nimo sa saktong dalan, ikaw na lay pangita'g paagi o ikaw na lay tudlo sa imong kaugalingon. Di man gud tanan naay mentor. Anara nga way tawng mosuporta nimo. Anara mga positibo lang imong hunahunaon. Kung ayha ra ka molihok kung naa nay motuklod nimo, di ka molambo anang styla. Lihok bahala'g ikaw ra. Pagplano kung unsay angay nimong himoon. Paghuman nimo'g plano, i-execute dayon. Tinood nga kapoy kaayo ang kinabuhi. Pero anad na man ta ani, di' ba? Kada tikang nimo, magkaduol ka sa imong pangandoy. Usahay modaog ta pero usahay mapildi pod ta. Mora ra ni'g sugal ba. Pero ay'g dibdiba ang lisod nimong kahimtang. Daghan kay ka'g maagian nga kasakit pero padayon lang. Disiplina lang sa kaugalingon. Mangutana lang ko ba, unsa jud diay ang gusto nimong mahitabo sa imong kinabuhi? Unsa man juy gusto nimong makab-ot? Buhata ang tanang pamaagi para makab-ot na nimo. Ay lang gud biglaa. Hinay² lang sa imong pag-abante. Mas maayo na lang ng hinay² kaysa gatanga ra ka.

NUMBER 3

GAKSA IMONG KAUGALINGON

Bisa'g kinsa pa ka, bisa'g unsa man na imong batasan, bisa'g unsa pa na imong kakulangon, gaksa imong kaugalingon. Dawata ang imong tinood nga pagkataw. Unsaon nimo pagsalig sa imong kaugalingon kung wa nimo dawata ang imong tinood nga IKAW? Nganong nasulti man ko ni? Naa man guy mga taw nga gi-peke nila ilang kaugalingon. Daghan na kaayo ang nagpaka-aron ingnon. Naay nagpakanaa bisa'g walang-wala kaayo. Naa poy nagpaka-OK pero sobra man diay ka-magul-anon. Abi bitaw nimo, mas molalom ang kasakit nga imong gibati kay imo na mang giilad ang imong kaugalingon. Mailad lagi nimo ang mga taw pero di nimo mailad ang imong kaugalingon. Mobagsak imong confidence. Mao ng kinahanglan nga dawata ang imong kaugalingon.

NUMBER 4

MAKAYA NA NIMO

Salig lang. Sa tinood lang bitaw, tanang butang nga naglungtad aning kalibotana, nagsugod na sa plano. Gitun-an sa mga taw ang kahimtang sa kalibotan. Nangita sila'g paagi. Nisalig sila sa ilang kakayahan nga mabuhat na nila. Dayon ilang gi-testingan. Hangtod nakita nato ang tanang butang nga naimbento nila. Ang tanan nagsugod na sa huna². Kung naa kay salig nga makaya na nimo, makaya jud na nimo. Kung negatibo ang imong gi-huna², mahanaw diretso ang imong pagsalig. Di mabag-o ang imong kinabuhi kung wa kay salig sa imong kaugalingon. Pero usahay makapangutana ka kon nganong positibo na kay ka pero negatibo lang gihapon ang nahitabo sa imoha? Ang buot pasabot man gud sa POSITIBO kay dali kang makabangon kung nalugmok ka sa laban sa kinabuhi kay dawat na man nimo nga ang kalipay ug kaguol kay parte na sa atong kinabuhi. Mao ng padayon lang. Kung naa kay lihok, naay posibilidad nga mabag-o ang imong kinabuhi. Kung gatanga ra ka, ikaw na mismo ang babag sa imong kaugalingon. Siguro wa kay salig sa imong kaugalingon kay wa kay enough nga resources. I mean, wa kay kwarta, wa kay koneksyon o unsa pa na diha. Pero di man na rason nga magtanga na lang pod ka. Makaplagan na nimo kung maningkamot ka.

NUMBER 5

AY'G PUNDO ANA NGA SITWASYON

Naa man guy uban nga kontento na. Ayaw biya laina paggsabot ha. Akong buot ipasabot sa imo, ay'g kontento nga galisod ka karon. Naa pa man kay mahimo para mouswag. Kung unsa imong ginabuhat sa una nga kabalo ka nga wa kay padulngan, unya mao ra gihapon imong ginabuhat karon, mao ra gihapon imong makita nga resulta. Wa kay makitang kabag-ohan ana. Kung balik² ra imong ginabuhat kada adlaw, ayaw pag expect nga naay lahi nga resulta sa imong ginahimo. Unya karon sige ka'g reklamo kon nganong nagkalisod ka. Nganong di man nimo pangutan-on ang imong kaugalingon? Ay'g pakampante. Buhat og bag-ong butang. Malay nimo mao nay makasolbad sa imong kalisod, di' ba? Bisa'g kataw-anan na ka sa panan-aw sa uban, wa na silay labot ana. Buhata ang imong diskarte. Kabalo ko nga di ta komportable nga mobuhat sa mga butang nga wa nato naandan. In-ana man jud na sa sugod, di' ba? Ay'g kahadlok sa mga pagsulay. Permenti jung naay mga pagsulay sa atong kinabuhi. Di na na mawala. Kung gikapoy na man gani ka karon, pahulay lang sa kadjut. Dayon padayon lang. Hunahunaa nga naay mga taw sa imong palibot nga kinahanglan nimong tabangan. Ang imong kusog, naa na sa imong kasing². Naa ra na nimo kung imo ba ng gamiton.

- Jun Bal Biscon