7 Reasons Why Silence Is Golden By Jun Bal Biscon

7 Reasons Why Silence Is Golden

Natural ra man nga mo-storya ta. Pero usahay naa poy nindot nga resulta kung maghilom ta. Kumbaga, ibuga nato sa saktong lugar ang atong pagkatabian ug pagkahilomon. Silence is Golden. Nabasahan na man siguro na nimo, di' ba? Usahay ang paghilom ang solusyon para di na modako ang panaglalis. Usahay man gud kung sobra na ang imong pagsulti, naa kay mga sayop nga pulong nga masulti nga di nimo mapansin. Sa kini nga video. Atong makat-onan ang 7 ka rason kon nganong mas maayo pang maghilom kaysa motabi.

NUMBER 1

DILI TANAN KINAHANGLANG I-EXPLAIN

Siguro makapangutana ka,

“Di na lang diay ko motubag kung giinsulto ko?”

“Magpakahilom na lang diay ko?”

Tinood nga masakitan ta kung naay mo-insulto nato. Pero ang pinakasakit, kung wa ka kabalo kung unsay itubag nimo sa ilang insulto. Dapat man gud ang tubag nimo sa ila kanang naay punto. Dili tong tubag nga unprofessional kaayo kay mas mosamot ang negatibong sitwasyon. Mahimo na noo'g away pero kung di ka motubag sa ilang insulto, dira na nila makita kung unsa ka ka-professional ug makita nila kung unsa sila ka-unprofessional. Ay'g kaguol kung naghilom ra ka. Di man required nga motubag ka sa mga tawng nagtamay nimo. Depende na pod na kung giunsa nimo pagpugong imong kaugalingon. Gisulti ko ni nimo kay gusto ko nga naay kay kaalam. Kon dagha'g isulti, dili kalikayan ang kasaypanan. Apan maalamon ang nagbantay sa iyang baba (Proverbio 10:18). Ay na la'g isulti kung wa kay maayong isulti kay kung negatibo ang imong nadungog unya negatibo pod ang imong iyawyaw, di mo mahuman. Puros mo negatibo. Wa moy makuhang kaayohan sa inyong gipangyawyaw. Patya ang ilang insulto pinaagi'g paghilom. Usbon nako ha? Silence is Golden.

NUMBER 2

DILI TANAN MAMINAW SA IMO

Para sa asa pa ang pagstorya nimo kung wa ka gipaminaw? Halos tanan di maminaw sa imong gipangsulti. Ang uban way paki sa imong gibati. Masayang ra ang imong kusog ug oras. Sometimes it can be hard to get people's attention. Some people are always interested in themselves but not on you. It's as simple as that. Mao ng mas maayong maghilom na lang kay usahay mas madunggan pa nila ang imong paghilom kaysa sa imong pagstorya. Nakuha ba nimo ang punto?

NUMBER 3

kung maghilom ka, dira ka MAKA-HUNA² OG SAKTO

Timan-i ni, kung maghilom ka, makahuna-huna ka'g sakto. Kung sige ka'g storya, moabot sa punto nga pataka na lang ka'g storya unya dira pod mahibal-an kung unsa ka klasehang pagkataw kay mag reflect man gud sa imong pulong ang imong pagkataw. Sa panahon man gud karon, kung di ka motingog, abi nila'g wa ka kasabot pero wa sila kabalo nga naniid ra diay ka nila. Not talking means you are listening. When you are listening means you understand. You understand because you are mentally present. So there's no need to come up with something to say.

NUMBER 4

kung naghilom ka sa saktong panahon, it means

PAGPAKITA NI SIYA'G RESPETO

Di man gud sa tanang panahon nga naghilom ka kay talawan ka o wa kay nasabtan. Usahay ang paghilom maoy paagi nga gipakita nimo nga naa kay respeto sa usa ka taw. Dali kay nimong masabtan ilang gipangstorya kung maghilom lang ka. Ang pagsulti ang usa sa mga hinungdan kon nganong magbikil ang mga taw. Samot na sa mga tagay, dali ra kaayong magbikil kay basta mangahubog na, halos tanan magdungan og storya. Di na magkasinabtanay. Wa nay respeto sa usa'g usa mao ng magbikil diretso. Labaw pod ning mga tsismosa nga way brake ang baba. Dali kay sila makakita'g kasamok kay baba na man ilang gigamit, di na man kabalo maminaw. Mao ng gamita imong paghilom para ipaabot sa uban nga naa kay respeto nila. It is a marker of trust and offers a deeper understanding of the problems at hand.

NUMBER 5

halos tanan WAY PAKI SA IMONG GIPANGSULTI

Mao nay sakit nga kamatuoran. Daghan kay ka'g gisulti unya wa gihapon kasabot imong gisultihan kay wa man siyay paki nimo. Bisan pa'g naminaw sila, kung wa silay paki. Di na sila makasabot sa imong gipangsulti. Mao ng usahay, ay si'g tabi kay sa sige nimo'g tabi, makalimot ka nga ang imong katabi, tsismosa man diay. Tanan nimong giistorya, itabi pod na niya sa uban. Tsismosa ra tawn ang hilig maminaw, pero dungagan pod lagi o kwaan ang imong gipangsulti maong pildi gihapon ka. Sa sobra nimong katabian, masulti na noon nimo ang dili angayng isulti. Timan-i nga naay pako ang dila. Isa ra ka sulti, diretso na na katag. Pero wa pod ko nag-ingon nga magpakahilom na lang jud ka permi. Pwede man kang mo-storya. Pero kanang naa poy unod imong gipang-storya. Ay'g awat sa uban nga sige'g tabi unya wa na kabalo kung unsa ilang gipangtabi.

NUMBER 6

PUGNGI IMONG BABA

Silence is so powerful. It frees us from people's words. Kung hilom ra kay ta, maglisod og libak ang mga taw sa atoa. Di man ta nila mailhan kay misteryoso man kaayo ang atong dating. Silence is your weapon. Ayha ka mo-storya, hunahunaa sa makadaghan kung makapasakit ba na imong pulong o dili? Kung makasakit man gani sa imo o sa ubang taw, ay na la'g tingog. Tak-uma na lang na imong baba. Ay'g tugoti nga mapildi sa imong pagbati ang imong pangisip.

NUMBER 7

NAAY SAKTONG PANAHON PARA MOTINGOG

Naay oras sa paghilom, naa poy oras sa pagsulti (Eclesiastes 3:7). Di man pod ko hilomon pero di pod ko tabian. Siguro ¼ ra ang nahibal-an sa mga taw bahin sa akoa. Di man gud nako isulti ang tanan kay wa man pod silay labot sa akong kinabuhi. Ang punto lang nako, di jud daotan nga maghilom. Samot na sa panahon karon, saba na kaayo ang kalibotan. Daghan na kay'g tsismosa. Daghan na kay'g motira nimo. Mao ng di nato dungagan pa. Dili dali maghilom. Samot na kung tabian na ka daan. Pero testingi lang sa. Anara nga maghilom ka. Tun-i kung unsaon nimo pagpugong ang imong kaugalingon.

- Jun Bal Biscon