7 Signs You Might Be An Introvert By Jun Bal Biscon

7 Signs You Might Be An Introvert

Sa imong paminaw, introvert ba ka? Para sa mga wa kabalo kung unsa ng introvert, mao ni siyay klase sa taw nga HILOMON pero malipayon bahala'g nag-inusara sila. Di man pod sila matawag nga ULAWON. Di man gud pasabot nga basta hilomon ang taw kay ulawon na pod sila. Di lang jud nila gusto makigstorya sa bisa'g kinsa. Kumbaga mamili lang sila'g taw nga ka-vibes nila. Mao ng di magkasinabot ang extrovert ug introvert. Kung paminaw nimo introvert ka nga may pagka extrovert, ambivert ang tawag ana. Anyway, ang extrovert, medyo jolly sila nga pagkataw, may pagkatabian pod. Maong gihimo ko ni nga video para mahibal-an nimo ang personalidad sa mga introvert ug para mahibal-an pod nimo kung introvert ba ka.

NUMBER 1

MALIPAYON ANG MGA INTROVERT BAHALA'G NAG-INUSARA SILA

They love spending time alone. Kini man gung mga introvert basta ibutang na nimo sila sa daghang taw, mawala ang ilang kusog. Ngano man? Dali ra kay na sila mairita sa saba. Di na sila gusto'g saba. Di sila gusto'g disturbo. Basta dagha'g maka-distract sa palibot, di na na mogana ang ilang utok. Di na sila makahunahuna'g sakto. Mao ng kinahanglan natong sabton ang ilang personalidad kay usahay makaingon ta nga snobera sila o makaingon ta nga magul-anon sila. Di man sila in-ana. Naa lang jud na silay kaugalingong kalibotan. Gusto nila nga ma-enjoy sila nga sila ra. Kanang way samok. Kaya man pod nilang mosabay sa ubang taw pero depende kung komportable sila sa ilang sabayan. Medyo choosy man gud sila. Di sila basta² nga mohatag sa ilang oras. Di pod sila daling mosalig sa mga taw. Di pareho sa mga extrovert nga dagha'g mga barkada kay wa man silay pili. Tanan kaya nilang sabayan. Di man pod UNSOCIAL PEOPLE ang mga introvert. They love making friends. Choosy lang jud sila.

NUMBER 2

GINAHAN ANG MGA INTROVERT NGA MAG-INUSARA SILA

Pananglitan gikan sila'g party o disco, di na malingaw didto. Pero motaas ang level sa ilang kusog basta mag-inusara na sila o basta makauli na sila sa balay. Kumbaga mag recharge ilang kusog ba. Di pareho sa mga extrovert nga grabe ka sasaw basta daghan sila'g kuyog pero itoy kaayo basta mag-inusara na. Opposite kaayo, di' ba? That's the reason why a lot of people tend to think that introverts are socially awkward and shy and boring people. Pero di na tinood. They lose energy from being around people for long periods of time particularly large crowds. Di man gud nila gusto nga hisgotan ang mga way pulos nga mga butang. Di pod sila ginahan makighalubilo kay di man nila kinahanglan og daghang barkada. Mga 2 o 3 lang ka-higala, payts na kaayo na sa ila.

NUMBER 3

DI GUSTO ANG MGA INTROVERT SA MGA PEKENG TAW

Mao ni usa sa mga hinungdan kon nganong gamay ra kay ni sila'g higala. Kay mahadlok sila nga naay mga pekeng taw ang mosugaw sa ilang peaceful nga kinabuhi. Dili ra man pod ang introvert ang modili ani halos tanan man ta di ginaha'g peke nga taw, di' ba?

NUMBER 4

ang mga introvert, SOBRA SILANG MAGMAHAL

Introverts care about genuine relationships. Grabe silang mahigugma. WAGAS. Kung unsa kalalom ang ilang panghunahuna, in-ana pod kalalom ang ilang paghigugma. But finding love is not an easy thing for anybody. Samot na sa mga introvert. Mao ng halos tanang mga single, mga introvert. Basta mahigugma pod ning mga introvert, di kay ni sila sige'g hisgot og mga sweet nga mga pulong pero sweet permi ang ilang ginapakita. Sa sobra nila ka-mahigugmaon, bisan pa'g gamay ra kaayo ang sala nga nabuhat sa iyang partner pero para sa iya dako na kaayo na. Maong dali ra kay na silang masakitan.

NUMBER 5

DI GUSTO SA MGA INTROVERT NGA MADISTURBO SILA

Di ba ingon ko ganina nga lalom kay ni sila maghunahuna. Maong ay'g disturboha kay dali ra kay na mawala ang ilang focus ug dali ra pod na sila masuko basta matandog na sila. Daghan na kay'g distraction ang kalibotan karon. Mao ng kinahanglan natong magpokus sa atong ginahimo.

NUMBER 6

ang mga introvert, DI SILA LAAYON KUNG SILA RA ISA

Ang pag-inusara, mao na ilang kusog. Mao ng katong nag lockdown bitaw or katong nag ECQ tungod sa Covid-19, chill ra kaayo ang mga introvert sa balay. Pero ang mga extrovert, kalaagon na kaayo. Opposite kaayo, di' ba? Wala jud na sa ilang vocabulary ang LAAY nga pulong. Dili dali madutla'g laay ang introvert kay mao na ilang ampay. Di na nila kinahanglang molaag para mag enjoy. Motan-aw ra na'g Netflix, malipay na na sila.

NUMBER 7

hilomon ang mga introvert, pero DI NA SILA BAD MOOD

Basta man gud wa ta kaila sa personalidad sa taw, makahukom jud ta o makaingon ta nga bad mood sila. Kung naa kay nakitang taw sa daplin, kanang wala sa tapok bitaw, ayaw pag-ingon nga bad mood sila. Naa lang na silay gihunahuna. Introvert man pod ko. In-ana ming mga introvert. Naa mi kaugalingong kalibotan nga di ninyo masabtan. Nipalayo mi sa tapok kay masugaw ang among utok. Karon kabalo na ka unsay personalidad sa mga introvert busa ay na sila'g i-judge nga magul-anon sila o bad mood sila o snob sila kay wa lang ka kabalo kung unsay ilang gihunahuna.

- Jun Bal Biscon