9 Lessons You Need To Learn In Life By Jun Bal Biscon

9 Lessons You Need To Learn In Life

Siguro gikapoy na ka sa kadaghang gihuna-huna nimo kada adlaw. Gikapoy na ba ka kay wa nimo nakita ang bunga sa imong kahago? Abi bitaw nimo, isa ray kalahian sa tawng successful ug sa tawng unsuccessful. Unsay kalahian? Ang ilang. . . MINDSET. Sa kini nga video, makat-onan nato kung unsaon nato pag-uswag atong kinabuhi.

NUMBER 1

di ka molambo kung wa ka kabalo kung unsay tumong nimo sa imong kinabuhi

Pangutan-on tika, UNSA IMONG TUMONG? UNSA IMONG GOAL? UNSA IMONG PURPOSE? Pamgutan-a imong kaugalingon. Unsaon nimo pag-uswag kung wa ka kabalo kung unsay tumong nimo sa imong kinabuhi. Usbon nako ha? UNSAY TUMONG NIMO? UNSAY IMONG PANGANDOY? UNSAY GUSTO NIMONG MAHITABO SA IMONG KINABUHI? UNSAY GUSTO NIMONG BUHATON? Dapat kabalo ka kung unsay tubag anang pangutanaha. Di pwede nga nagdagan ang adlaw nga wa ka kahibaw sa imong padulngan. Di ka molambo kung wa ka kabalo sa imong tumong. Mao nay first step nimong buhaton. Mao nay realidad. SUCCESS REQUIRES GOALS. A LIFE OF MEANING NEEDS GOALS and SPECIFIC PLANS to ACHIEVE them. SUCCESS does not happen by ACCIDENT. Ang tanang butang nga ning resulta nagsugod na sa plano.

NUMBER 2

Kung kabalo na ka kung unsay goal nimo, dapat naa kay i-set nga DEADLINE

Pag set og goal dayon pag set pod og deadline. Ang DEADLINE man gud ang magpapokus sa atong huna². It gives our brain a framework for solving problems. It forces us to commit or let go. Mora bitaw'g pareho atong nangiskwela pa ta, kung moingon atong maestra nga naa tay project, siyempre naa pod nay deadline. Kung hapit na ang deadline unya wa pa ka kasugod sa atong project, unsa atong bation? Mataranta na ta. Magdali-dali na ta. Pero sobra ta kapokus sa atong project kay para lang jud mahuman. Sama ra'g in-ana ang atong pangandoy. Dapat di nato sayangan ang panahon. Ay'g unya-unya-a ang mga butang nga kaya nimong buhaton karon.

NUMBER 3

Ibutang sa imong utok nga DI TANAN MAKONTROL NIMO

Dawata kung unsa man gani ka-negatibo ang kahimtang nimo ron. Kay bisan pa'g maghilak-hilak pa ka diha, di jud mapugngan ang negatibong sitwasyon. Mohapak jud na sa atong kinabuhi. Moabot ang panahon nga maglisod ka. Wala na sa imong kontrol. Di na nimo mapugngan. Di na nimo masultian nga, “problema, ayaw sa ron ha?” Walay time out sa realidad. You must be able to reassure yourself that everything in life happens for a reason. Kung dawat man gud nimo ang imong sitwasyon, positibo pod ang panglantaw nimo sa imong kinabuhi. Mas motivated ka ug maka-inspire pa ka sa uban.

NUMBER 4

PAGLIPAY SA IMONG NAKAB-OT

I-appreciate ang tanang achievements nimo. Bisa'g unsa pa na kagamay imong nakab-ot, PAGLIPAY. Ay na paghulat anang dinagko nga butang ayha ra ka malipay. Makadungag sa kadasig kung na-apresyar nato ang gagmayng butang. Kung way ni-congrats nimo, ikaw na lay congrats sa imong kaugalingon.

NUMBER 5

Timan-i ni ha, dapat tanang buhaton nimo, DILI PINUGOS. Kay kung napugos ra ka, it means di ka magmalipayon sa resulta

Di pwede nga nangandoy ka anang butanga kay napugos ra ka o gidiktahan ka sa mga taw. Naa man guy uban nga nisulod og negosyo kay para lang matawag sila nga negosyante pero di diay kabalo kung unsaon pagpadagan ang negosyo kay napugos ra man. Naa poy uban nga nangandoy para lang naay ikapanghambog sa ulahi. Naa poy uban nga mao ni ilang pangandoy kay mao may gusto sa ilang ginikanan para sa ila. Gibuhat ba na nimo imong pangandoy kay mao jud na imong gusto? o gibuhat na nimo kay mao nay gusto sa mga taw para nimo? Kung napugos ra ka, bisan pa'g nakab-ot na na nimo, di gihapon ka magmalipayon. Mas lami molihok kung wa ta napugos. Tam-is pod atong success. Dapat natural lang ang feeling.

NUMBER 6

PADAYON LANG

Isaad sa imong kaugalingon nga di ka mohunong. Sayon ra kaayong magplano, sayon ra kaayong mangandoy, daghan ta'g gustong mahitabo, di' ba? Pero LISOD LIHOKON. Halos tanan taman ra sa idea, taman ra sa plano, taman ra sa tabi pero dili ma-execute. Lisod kaayong mag commit. That's the reason why most people fail to live their dream life because they don't stick to their goals and plans. Dapat ubanan nato'g lihok. Lisod na gani ang kinabuhi, di pa ta molihok, mosamot na ta kalisod ani. Wa kay padulngan kung sige ra ka'g chill² dira. Bisa'g ginagmay lang gud. Hinay² lang ba, dako na na'g ikatabang. At least nipadayon ka. Wa bitaw ta nakiglumbaanay sa uban.

NUMBER 7

PALAYO SA MGA TAWNG WAY PLANO

Abi bitaw nimo, real talk lang ta ha, makatakod ang kinaiya sa taw. Kung positibo ang mga kuyog nato, positibo pod atong maandan. Pareho ra sa negatibo. Mao ng sakto jud ang giingon sa Proverbio 13:20,

“Ang naglakaw uban sa mga maalamon mahimong maalamon,

Apan ang makig-uban sa mga buangbuang masugamak sa kadaot.”

Kung nasulat na sa Bibliya, 100% nga mao nay mahitabo. Naay dakong impluwensiya ang mga taw sa atong palibot. It means, kung way pangandoy imong mga kauban, di na pod ka mangandoy. Kinahanglan nga mamili ka kung kinsa imong higalaon.

NUMBER 8

Wala-a ang mga WHAT IFS sa imong huna²

Pero di man jud malikayan. Pero di lang pod nato pasobrahan ang pag overthink. Ang mga WHAT IFS ang mobabag sa atong kinabuhi pero mao pod ni motuklod sa atoa kung naa pod tay aksyon. Depende kung unsa ang pokus nimo sa WHAT IF. Kung sige ka'g huna-huna'g WHAT IF unya nagtanga ra gihapon ka, ma-paralyze imong utok kay atakehon na ka'g anxiety. Stop believing that your “WHAT IF” THOUGHTS are actually saying anything true about reality. Kalmaha lang ang imong huna² para maka-huna² ka'g sakto. Ay'g unhi ang sitwasyon nga wa pa nahitabo. Pagpokus sa kung unsay mahimo nimo ron. Kung sige ka'g huna² sa umaabot, mosamot imong kabalaka. My personal suggestion is to stop worrying about the future and live the present happily. Stay positive. Believe in yourself. Hope for the best in the future by working to the fullest in the present.

NUMBER 9

Ay'g kalimot nga MAGPASALAMAT sa Diyos

Dali ra kaayong magpokus sa negatibong kahimtang. Di na nato mahuna-hunaan kung unsa atong nadawat nga mga blessings. Seryoso ba, wa juy nahitabong positibo sa imong kinabuhi? Naa, di' ba? Di lang nimo mapansin kay ang negatibo man ang imong gipansin. Pagpokus sa mga nindot nga nahitabo nimo. Pagmata nimo sayo sa buntag, dako na kaayo ng blessing nga BUHI PA KA. Blessing na kaayo nga naigo ka sa kahayag sa adlaw. Nakita pa nimo imong pamilya nga himsog. Nakita nimo sa samin ang imong kaanyag. Naa pa kay gikaon. Naa pa kay giinom. Naa pa kay gisuot. Naa pay hangin nga imong nahanggab. Kulang pa ba na? Daghan kay ta'g angayng ipasalamat. Unsaon na lang kung mawala na ng mga gipanghisgotan nako? Ayha ra ba nimo mapansin? Maulahi na dayon ang pagmahay? Pasalamati ang tanang butang. Giving thanks in all circumstances stops negative thinking, stops negative emotions and stops stress from gaining control over our positive thoughts, actions and energy.

- Jun Bal Biscon