9 Reasons Not To Give Up By Jun Bal Biscon

9 Reasons Not To Give Up

Gibuhat na ba nimo ang tanan pero wa gihapoy nahitabo? Mao jud nay perming problema nato. Sobra tang naningkamot pero wa jud tay naabot. Lisod lang gihapon ang atong kahimtang. Pero ang tinood, dili tanang butang, dali natong makuha. Mao ng kung wa kay pailob, ang daling masulod sa imong huna² kay mo-give up na lang. Mag negative na dayon ang atong huna² kay kapoyon na man ta. Dawata ang kamatuoran nga lisod ang kinabuhi. Daghan kay ka'g maagian nga kalisod. Depende lang jud na sa imong mindset. Maong gibuhat ko ni nga video para madasig ka. Mahibal-an nimo sa kini nga video ang 7 ka rason kon nganong di ka angayng mo-give up.

NUMBER 1

ayaw'g give up kay DAGHAN KAY KA'G MAKAT-ONAN

Imbes magpokus ka sa negatibo, magpokus ka sa mga leksyon nga imong nakat-onan. Di pod ka makakat-on og dugang kung balik² ra imong ginahimo kada adlaw. Mobati na noon ka'g sumo. Di pwede nga nangandoy kang molambo pero ang imong ginabuhat mao ra gihapon kaniadto. Kabalo na ka nga wa ka nilambo ana imong gipangbuhat pero mao ra gihapon imong gipangbuhat. Sama ra gud na sa giingon ni Albert Einstein:

“Insanity is doing the same thing,

over and over again,

but expecting different results.”

Kung sa bisaya pa, grabeng kabuang kung ginabuhat nimo ang susamang butang dayon nagdahom ka'g lahi nga resulta. Pananglitan, nagtrabaho ka karon. Unya niabot na ka'g 10 years nga wa gihapoy kabag-ohan imong kinabuhi. Tinuyuan na na nimo. Kung paminaw gani nimo nga di ka molambo sa imong gipangbuhat karon, bag-oha ang imong gipangbuhat.

NUMBER 2

ayaw'g give up kay MAKADASIG KA SA UBAN

Kung mopadayon lang ka ug kung molambo na ka, ang mga taw nga nagtan-aw nimo, madasig sila sa imo. Lami kay ka sa ilang panan-aw ug madasig sila nga mobuhat sama sa imong gibuhat. Usa pa, ay ju'g hunong kay daghan ra ba kaayong mga libakera sa imong kiliran. Libakon ka nila kung mapildi ka sa dagan sa kinabuhi. Kataw-an ka. Kung di ka mohunong, madasig sila sa imong pagkapalaban. Kung daghan ka'g madasig, daghan pod ang mabag-o. Mao ng padayon lang kay daghan kaayo ang niniid sa imong lihok.

NUMBER 3

ayaw'g give up kay MATUMAN RA NA IMONG PANGANDOY

Matuman na kung naa lang jud kay lihok. Di pwede nga kutob ra ka sa pangandoy unya tapulan kay ka. Depende man gud na sa imong mindset. Kung sige ka'g huna² nga imposible ning tanan, wa poy mahitabo kay wa na man kay salig sa dagan sa sitwasyon. The only thing that matters is what you think of yourself and what you believe you can achieve. Kung mosalig lang ka sa imong kusog, sa imong pang-huna², sa Diyos, lisod kay kang PILDIHON.

NUMBER 4

ayaw'g give up kay HAPIT NA NIMO NG MAKAB-OT

Kitang tanan, wa ta kabalo sa atong kaugmaon. Malay nimo, ugma na diay magbunga ang imong gipaabot. Unya timing nga ning give up na ka karon. Way ayo. Di pa panahon nga mo-give up ka. Ang mga butang nga lisod kab-oton, nanginahanglan na'g dakong pailob ug pag-antos. Dapat jud na nimong trabahoon. Di man ni magic ang kinabuhi. Di man ni binotbot. Karon ka magtanom, dugay pa na motubo. Moagi pa ka ana'g binubuay para magbunga ang tanom. In-ana ang pagkab-ot sa pangandoy. Kinahanglan ka'g grabe nga pasingot. Sa panahon nato karon, gusto man gud nato nga instant ang tanan. Di ta gusto'g dugay pa mahitabo. Pero unsaon ta man nga mao na man ni ang realidad. You have to work hard. You have to suffer pain. You have to achieve success. You have to make others happy to earn your happiness. Ay'g hunong kay sa pagsukol pa lang nimo, sa pag-atubang pa lang nimo anang problemaha, daghan na ka'g nakat-onan.

NUMBER 5

ayaw'g give up kay KAUBAN NA NG KALISOD SA ATONG KINABUHI

Ay na'g katingala sa kahimtang nimo kay sugod sa pagkahimugso nimo aning kalibotana, gikaluhaan na ka'g suliran. Mao ni timan-i, dili tam-is ang imong kadaogan kung sayon ra nimo gikuha ang usa ka butang. Dili porket lisod kab-uton ang usa ka butang kay imposible na pod ning makuha nimo. Ang pasabot lang kung galisod ka, kinahanglan pa kang maningkamot. We should instead look at it as something challenging. We need to see a challenging task as something that will push us more and test our capabilities. So don't be afraid of something difficult because you can always accomplish it through hard work. Timan-i ha nga walay imposible sa tawng ningpadayon.

NUMBER 6

ayaw'g give up para WA KAY MAHAYAN

Tanang pagmahay naa sa ulahi. Basi'g sa paghunong nimo, moabot ang adlaw nga magmahay na ka kon nganong ni-give up ka. Hunahunaa daw ang mga butang nga imong nasugdan sa una pero wa nimo gipadayon, sayang no? Ning resulta na unta to karon. Mao ng ay sa'g hunong kay di pa karon ang panahon.

NUMBER 7

ayaw'g give up samtang BUHI PA KA

Samtang buhi pa ka, naa pay paglaom. Di man nato matag-an ang dagan sa panahon pero isa ra atong matag-an, mangamatay ta sa ulahi. Mao ng mentras gaginhawa pa ta, buhaton nato ang tanan para makab-ot nato ang atong pangandoy. Ay na si'g pangatarungan. Balik² na ni siya nga advice. Di nimo matag-an imong kinabuhi. Bisa'g unsang orasa, pwede kang mahanaw. Wa pod tika gihadlok, mao lang jud ni ang kamatuoran nga angay nimong dawaton. Para bitaw sa akoa, death is my biggest motivator. Mas ganado noon kong molihok kay what if ugma mawala na ko? at least naa koy nahimo ron. Kining mga taw nga nangamatay ron, di' ba kagahapon naa silay plano kung unsa unta ang buhaton nila pagkaugma? Mao ng mentras buhi pa ka, pagpokus sa imong priority. No matter what storms come your way, stand firm and tall. Ay'g give up diretso. Paningkamoti sa na. Ayha na'g undang kung wa na kay nakitang kaayohan sa imong ginahimo.

- Jun Bal Biscon