Don't Let These 5 Things Control You By Jun Bal Biscon
Kontrolado ba nimo imong kinabuhi? Di ba nimo kayang bag-ohon ang dagan sa imong kinabuhi? Na-pressure na ba ka sa imong sitwasyon karon? Sa kini nga video Mahibal-an nato ang 5 ka butang nga di natong tugutan nga maoy mokontrol sa atong kinabuhi.
NUMBER 1
ay'g tugoti nga makontrol ka sa OPINYON SA UBAN
Kung nakapokus lang ka sa opinyon o sa mga storya sa uban bahin nimo, naingon ra na nga wa kay paki sa imong kaugalingon. Mora ra ka'g nagpahikot nila nga kung unsa ilang isulti maapektuhan dayon ka. Mora na ka'g ulipon nila. Dapat ma-realize nimo nga lahi² ta. Lahi ka. Lahi ko. Lahi siya. Mosamot kasamok imong kinabuhi kung sige ka'g paminaw sa negatibong opinyon sa uban. Bisa'g unsa pa na imong buhaton, dili tanan mouyon nimo. Naa juy mga taw nga wa ganahi sa imong gipangbuhat. Bisan pa gani'g tarong imong gipangbuhat, naa jud na silay daotang masulti. Ay'g tugoti nga opinyon na nila ang gakontrol nimo. Ay'g pasagdi imong kaugalingon.
NUMBER 2
Ay'g tugoti nga kontrol ka sa NEGATIBONG KAHIMTANG
Usahay man gud, sa sobrang kalisod sa atong kahimtang, mawal-an na pod ta'g gana. Buntag sayo pa lang, wa nay lami ibangon. Ay'g kaluya. Tanan ta naay kalisdanang gisagubang. Di lang nimo mapansin kung unsay kahimtang sa uban kay gipaagi na lang nila'g katawa. Pero timan-i ni, moabot ang panahon nga mabag-o ang imong sitwasyon. Life is a constant change. Ang tanan mangagi ra. Way permanente aning kalibotana. Ay'g walaa imong paglaom. Get up and do something. Di pwede nga maghulat ra ka sa imong kabag-ohan. Ikaw dapat ang moaksyon para makita nimo ang imong kabag-ohan.
NUMBER 3
Ay'g tugoti nga kontrolon ka sa NEGATIBO NIMONG HUNA²
Naa man guy mosantop sa atong huna² nga negatibo. Usahay makaingon ta nga wa nay magkagusto sa atoa, nga di na ta molambo, nga wa na tay mahimo, nga di ta utukan, halos tanang negatibo imong gituohan. Maong nawala imong gana nga molihok kay wa na kay bilib sa imong kaugalingon. Mao nay isa sa mga hinungdan kon nganong wa ka ni-asenso kay tanang negatibo sa imong utok, babag na sa imong pangandoy. Nindot kaayong giingon ni Mahatma Gandhi:
“You must be the CHANGE you want to SEE in the world.”
Change starts within you.
NUMBER 4
Ay'g tugoti nga kontrolon ka sa KWARTA
Importante kaayo ang kwarta para mabuhi ta. Di jud na ikalimod. Pero kung kwarta na lang permi ang sulod sa imong huna², maglisod ka'g lipay. Ngano man? Malimtan na nimo ang ubang butang nga makapalipay nimo. Ang usa pod sa hinungdan kon nganong mawal-an ta'g kalipay kay di na ta kontento sa mga butang nga naa na sa atoa. We always wanted more. Diri ta sayop. Diri na magsugod nga mawala atong kalipay kay sige na man ta'g pangagpas og materyal. Naulipon na ta sa kwarta. Dapat atong kat-onan kung unsaon pag balanse ang kwarta ug ang atong pagkinabuhi. Daghan pa'g mga butang nga makapalipay nato. Di lang kwarta. Pero wa pod ko niingon nga ay'g paningkamot. Akong punto lang, ay'g i-sentro ang imong huna² sa kwarta kay ikaw ang patuyukon ani.
NUMBER 5
Ay'g tugoti nga kontrolon ka sa imong KAGAHAPON
Kung unsa man gani ang nabuhat nimo sa una, di na na nimo mabag-o. Kung nakapokus lang ka permi sa imong kagahapon, kung dira ra ka magpundo, di nimo makita ang mga butang nga naa sa imong atubangan. Unsaon nimo paglipay kung di ka ka-move on sa mga butang nga nangagi na. Pasagdi na ng mga butang nga humana.
Ikaw lang ang gakupot sa imong kinabuhi. Ikaw ang gaboot sa imong desisyon. Buot pasabot, kaya nimong kontrolonang imong desisyon. Di man nato matag-an ang panahon, di man nato makontrol ang kadaghanan sa mga butang, isa lang ang nakuha nato nga punto sa kini nga video, DI TA MAGPAKONTROL aning 5 ka butang.
- Jun Bal Biscon
Comments
Post a Comment