7 Ways To Remove Negativity From Your Life By Jun Bal Biscon

7 Ways To Remove Negativity From Your Life

Naapektuhan na ba ka sa mga tawng toxic? O ikaw mismo ang naapektuhan sa imong katoxican?

Kabalo ko nga gusto nimo'g positibo ug malipayong kinabuhi pero di jud sayon. Usahay man gud kung way toxic sa atong palibot, kita poy toxic sa atong kaugalingon. Naa tay mga bad habits nga wa pa nato natangtang sa atong kinabuhi. Atong hisgotan karon ang 7 ka paagi para matangtang ang negativity sa atong kinabuhi.

NUMBER 1

PALAYO SA MGA TAWNG NEGATIBO

Pero ayaw sa 'g palayo diretso. Tabangi sa sila daan ayha ka mo-desisyon. Kay naa man poy mga taw nga negatibo nga nagbag-o pero kung di sila magbag-o, dapat na kang mopalayo sa ila. Kung kinsa man gud ang nakapalibot sa imo, mapareha ka nila kay ma-impluwensiyahan man ka nila pero naa ra pod na sa imo kung magpa-impluwensiya ba ka. Maglisod ka'g kab-ot sa imong pangandoy kay di ka nila i-encourage. i-discourage ka nila para di madayon imong plano. Ay'g kahadlok nga mopalayo sa ila.

NUMBER 2

PAGKAT-ON OG BALIBAD

Dapat maanad ka nga mobalibad usahay. Dapat naa kay boundaries. Nindot man kaayo magbinut-an pero kung manobra na pod imong kabut-an, dira na ang laay. Daghan na man ang mag-abusar sa imong kabut-an. Usahay di ka makabalibad kay di ka gusto nga malain sila sa imo, ma-disappoint unya sila. Mora ba'g mas importante pa ang uban kaysa sa atong kaugalingon. Di ta gustong mobalibad kay ignon dayon ta'g hangol, hambugero o unsa pa ng lain nga mga pulong dira. Remember this, when you say NO to someone, you're saying YES to yourself because you are the most important person. Deserve nimong magmalipayon pero dapat gentle pod kang mobalibad para di ra sila malain. Remember that having boundaries and being able to say NO is a healthy emotional practice.

NUMBER 3

AYAW NA SIGE'G REKLAMO

Okay ra man mo-reklamo kung naay saktong rason para naa poy mo-aksyon sa atong reklamo. Pero kung nireklamo ka tungod sa kakapoy sa kinabuhi, mao nay di maayo kay tinapulan na man na. Ayha ka moreklamo, pasalamati sa ang Diyos sa tanang butang nga imong nakab-ot karon. It doesn't have to be formal grace, it can just be “THANK YOU” for what you have.

NUMBER 4

UNDANGA NA ANG NEGATIVE SELF-TALK

Kung negatibo kay ka sa imong kaugalingon, wa kay padulngan kay di na man ka ginahan molihok. Kanang pulong nga, “DI MAN KO NI KAYA”, what if isulti na nimo sa imong higala. Ingnon nimo sila nga, “AY NA'G BUHATA BAI KAY DI GIHAPON NA NIMO MAKAYA”. Sure ko nga di na nimo masulti. Bati kaayo nga pulong, di' ba? So nganong sige man na nimo'g isulti sa imong kaugalingon? Mawala imong self-confidence. Be kind to yourself and remind yourself daily that you are STRONG, you are CONFIDENT and you are absolutely ENOUGH. Basta anaron nimo ang positive self-talk, magmalipayon ka ug maminusan ang negativity sa imong kinabuhi.

NUMBER 5

AYAW'G IKOMPARA IMONG KAUGALINGON SA UBAN

Imong kinabuhi ug ang kinabuhi sa uban DILI PAREHO. Lahi² ta'g kinabuhi. Nigara man gud ning comparison tungod aning nakita nato sa social media. Sa sige nato'g scroll², makita nato ang kanindot sa kinabuhi sa uban. Mawal-an ta'g gana kay makaingon man ta nga bati kaayo atong kahimtang unya sila hapsay kaayo ang dagan sa ilang kinabuhi. Magsugod na dayon ta'g kompara. Remember this, when you don't compare, you are beginning to understand what you are. Beginning to understand what you are is far more fascinating, far more interesting. It goes beyond all this stupid comparison. Nindot kaayo ang giingon ni Jiddu Krishnamurti, “To understand yourself is the beginning of wisdom”.

NUMBER 6

DILI TANAN NAKITA NIMO TINOOD

Mapa social media man na o sa tinood nga kinabuhi, dili tanan nakita nimo, TINOOD. Ang mga gipang-post sa mga taw sa social media kay puros mga highlights sa ilang kinabuhi. Wa ka kabalo kung unsay kinabuhi nila OFF CAM. Maong niingon ko ganina nga ay'g ikompara imong kaugalingon sa ila kay magansi ka. Imong nakita mga highlights sa ilang kinabuhi unya ikompara nimo sa bati nimong kahimtang. Pildi na ka daan. Pananglitan, naay mag partner nga sweet kaayo sa post pero in-ana ba kaha sila sa tinood nga kinabuhi? Maong mag negative na ta kay moingon na man dayon ta nga way lami atong kinabuhi. Pero pareho ra man tang tanan. Naa tay mga sayop nga nahimo. Naa tay saktong nabuhat sa atong kinabuhi. Naa tay mga down moments. Pareho ra tang tanan, timan-i na.

NUMBER 7

AYAW PALABI'G DIKIT SA MGA TAW

What if mawala sila sa imong kiliran? Grabe pod ang kasakit nga imong mabati kay sobra na man kang na-attach nila. Dili pwede nga dependent na ka sa uban kay maglisod ka'g move on kung mobiya sila. Dili lang ni sa mga taw lang. Apil pod sa mga butang. Naa man guy uban nga mo-depende na sa droga kay mao ilang kalipay. Kung way droga, di na sila malipayon kay nakadepende na man ilang kinabuhi sa gawas. Di na sa ilang kaugalingon. If you look for happiness around you, in people, or in things, it has and will always be temporary. To experience it now and forever, you need to really stop finding it elsewhere and realize that you, YOU ARE HAPPINESS. YOU CREATE IT AND LIVE IT. Tinood nga sa panahon karon, lisod na kaayo nga magpakapositibo, halos napuno na ang kalibotan og daotan ug katoxican. Pero di pasabot nga magpundo ra pod ka ana nga sitwasyon ug magpaanod lang ka. You must learn to see the positive side of everything and everyone including yourself. Once you focus on positivity, your negativity would automatically come down naturally.

- Jun Bal Biscon