Let's Stay Away From Toxic People By Jun Bal Biscon
Daghan ba'g hilabtanon sa imong kinabuhi? Daghan ba'g kontrabida sa imong palibot? Mao nay hinungdan kon nganong wa kay peace of mind. Pero mas mosamot kasamok ang imong kinabuhi kung sige ka'g pansin anang klase sa mga taw. Ayaw sila'g balosi. Iampo na lang sila sa Diyos. Bisan pa'g unsaon nato'g balos, basta di sila moundang, sige jud na sila'g panghilabot sa atoa. Kay ngano man? Di man nato makontrol ang lihok sa mga taw. Bisan pa'g but-an kay ka, naa gihapoy mokontra nimo. Bisan pa'g wa kay gibuhat, naa juy mga taw nga mosugaw sa imong hapsay nga kinabuhi. Naay mga taw nga judgmental kaayo. Di nato sila makontrol. Ang makontrol lang nato kay kung unsaon nato pagpugong ang atong kaugalingon. Kita na lay molikay para di mosamot ang kasamok kay kung mo-react ta, pildi ta permi kay dili magpapildi ang mga tawng toxic. Mao bitawng giignan ta ni apostol Pablo nga “kon posible, kutob sa mahimo, makigdait ta sa tanang tawo.” (Roma 12:18).
Mentras makaya pa natong pugngan ang atong kaugalingon, kita na lay mopalayo. “Kon masuko ta, di ta magpakasala, di nato pasalopan sa adlaw ang atong kasuko.” (Efeso 4:26). Di man nato makontrol ang lihok ug pulong sa uban pero kaya natong kontrolon ang atong lihok ug pulong. Kabalo ko kung unsa imong iingon, “dali ra kaayong mosulti ana pero kung ikaw ang naa sa akong sitwasyon, di na nimo mahimo.” Maong kinahanglan natong maghunahuna'g insakto ug kinahanglan natong mag-ampo sa Diyos para tabangan ta Niya nga mokalma ta. Di natong tugotan nga maputos ta sa atong kasuko. Dira ta pildi. Tiaw mo ng nag-suko² ka pero ang taw nga imong gikalagutan, ga-ngisi² ra. Pildi ka. “Mao ng wad-on nato ang tanang klase sa pagdumot, kasuko, kapungot, siningkahay ug sakit nga sinultihan. Apil na ang bisan unsa nga makapahinabog kadaot.” (Efeso 4:31).
Bisan pa'g lisod na buhaton, ato jung kayahon. Kung naa sa imong huna² ang mobalos, ayaw na lang na idayon imong giplano. “Kon himoan kag daotan, ayawg balosi og daotan. Hunahunaa kon unsay maayo sa panglantaw sa tanang tawo. Ayaw'g panimalos. Pasagdi ang Diyos nga magpakita sa iyang kasuko.” (Roma 12:17, 19). Itugyan na lang na sa Diyos ang bati nimong gibati. Siya nay bahala kung unsay himoon Niya. Salig lang. Kabalo ko nga lisod kay na buhaton kay naa man gud tay pride. Pero kung kaayohan ang atong gipakita sa ila, God promised to reward us for obeying Him in this regard. “Ay'g kabalaka sa bisan unsa apan sa tanang butang, ipahibalo sa Diyos ang inyong mga hangyo, pinaagi sa pag-ampo ug pangamuyo uban ang pagpasalamat ug ang kalinaw nga gikan sa Diyos nga labaw sa tanang pagsabot magbantay sa inyong kasing² ug huna² pinaagi ni Kristo Jesus.” (Filipos 4:6, 7).
When we take it to God. He will give us the grace to endure. He will give us the grace to continue to do good things. God's hand will work for you. His anger will blaze for you. His arrows will be shot for you. He will use all of this for His glory. Wa tay katungod para manakit. Natural ra man nga basta masakitan ta, gusto jud natong mobalos kay di ta gusto'g magansi ta. Pero hunahunaon lang nato sa makadaghan nga naay consequence sa atong ginabuhat. Para wa kay mahayan sa ulahi, ayaw na lang buhata ang negatibo nimong gihunahuna.
Mentras buhi pa ta, ang kaayohan ang atong ipakita sa uban para mas modaghan ang mobuhat og in-ani ka-positibo. Wa may daotan kung magbinut-an ta, di' ba? By the power of the Holy Spirit, we can live God's way, treating people with love and kindness, especially our enemies. In-ani na jud ang kinabuhi. Usahay makalagot, usahay kapoy, usahay makabuang. Bisa'g asa ta moadto, naa juy mga tawng toxic kaayo. Mao ng paningkamotan nato nga di ta magpaapekto. Pasalamati ang imong mga kaaway kay tungod nila mas nisalig ka'g maayo sa Diyos. Ay'g tugoti nga makasulod ang negatibo sa imong huna². Negativity really does have the power to block your blessings.
Nagustuhan ko ning giingon ni Pablo sa Roma 12:2,
“Ug hunong na sa pagpaimpluwensiya niini nga sistema sa mga butang, kondili pag-usab mo pinaagi sa pagbag-o sa inyong hunahuna, aron mapamatud-an ninyo sa inyong kaugalingon ang maayo ug dalawaton ug hingpit nga kabubut-on sa Diyos.”
Nindot pod ning giingon sa Roma 12:9,
“Ang atong gugma kinahanglang tinuod.”
Dili pwedeng plastik lang ang atong tinagdan sa uban. Kay kung gusto man kang mobalos, buot pasabot, nga wa kay salig sa giingon sa Diyos nga Siya ray bahala sa mga kaaway. “Ayaw padaog sa daotan, kondili, padayong daoga ang daotan pinaagi sa maayo.” (Roma 12:21).
- Jun Bal Biscon
Comments
Post a Comment