8 SIGNS na SELFISH o SELF-CENTERED Ang Usa ka Tawo By Jun Bal Biscon

8 SIGNS na SELFISH o SELF-CENTERED Ang Usa ka Tawo

Naay dakong kalahian sa confident ug self-centered. Kung moingon ta'g selfish o self-centered ang usa ka taw, mora ba'g wa na silay laing nakitang taw sa ilang palibot kay ila rang kaugalingon ilang gihunahuna. Puro na lang sila ME, MYSELF and I. So unsa man ang 8 ka sign nga selfish ang usa ka taw?

NUMBER 1

SILA RA ANG NAGDALA SA STORYA

I mean sila ang nag dominate sa conversation. Puro na lang bahin sa iyang kaugalingon ang topic. Mora'g wa siyay laing ka-storya. Imbes dialogue, nahimo na noong monologue. Di ka makahunahuna og topic kay sila ra man ang gadala sa storya. Di ka makatingog kay sige ra sila'g tabi bahin sa ilang kaugalingon. Busy kaayo ni sila sa ilang kaugalingong kalibotan.

NUMBER 2

WA SILAY EMPATIYA

Di sila kabalo mosabot, wa silay paki sa uban, di sila sensitive kung unsay gibati sa uban, mora'g kubalan ilang emosyon ba. Pero hilig kaayo sila mosulti kung unsay ilang problema, gibati, kaagi. Kung in-ani nga klase imong makuyog, mosamot kabug-at imong kinabuhi kay di ka ka-share sa imong emosyon. Maka-drain og energy. Makawala'g peace of mind. Normal ra man nga magpokus ta sa atong kaugalingon pero di pod nato kalimtan ang ubang taw nga naay iistorya sa ato. Ato pod silang tagaan og maayong pagtagad.

NUMBER 3

GUSTO NILA'G ATENSYON

Gusto nila nga dayegon sila. Gusto nila nga pansinon sila permi. Mora sila'g mga tanom nga nanginahanglan og init sa adlaw. In-ana pod ang mga tawng selfish kay mag crave sila'g attention. Dayon ikaw ang himoong daotan kung di nimo sila matagad. In-ana pod ang batasan sa mga narcissist. Molami ang dagan sa ilang kinabuhi kung ginatagad sila permi. Mobuhat jud sila'g paagi para masentro sila sa atensyon. The need for constant validation is not just about boosting their ego, but it’s a way they affirm their self-worth.

NUMBER 4

DI SILA KABALO MAMINAW

Listening is an art that not everyone masters. Ang pagpaminaw kay usa ni ka skill nga wa na-apply sa mga tawng selfish. Gusto nila paminawon nimo sila pero di ka nila paminawon. Nakasulay ka kanang naa kay giistorya pero wa kaayo siya naminaw unya mokalit ra'g balik ang topic bahin sa iyang kaugalingon? Sign na na nga selfish imong kastorya. Mas interesado silang makigstorya nimo kung ikaw ang maminaw. Nagpakita lang na nga wa silay respeto ug konsiderasyon sa imo.

NUMBER 5

TALAGSA RA SILA MOTABANG

Kanang pagkatalagsa kay once in a blue moon ra kaayo. Ang nakaapan pa jud, kung naa man gani silay matabang, daghan pod kaayong yaw². Masakitan ka sa storya while nagdawat sa ilang gitunol. Ang gusto man gud nila kay silay modawat dili mohatag. Kung makadawat man ka'g tabang gikan sa selfish nga taw, ayaw paglipay kay mag expect ra ba na sila'g balos ug tan-awn na nila isip utang kabubut-on nimo. Kwentahan ka ana sa umaabot.

NUMBER 6

DI SILA GINAHAN MO SUCCESSFUL KA

Kung naa bitaw kay achievement unya mag celebrate ka, di na moadto. Duha ray pasabot ana, nasuya sila sa imong nakab-ot o wa silay paki sa imo kay ila ra mang kaugalingon ilang gihunahuna. Instead of sharing your joy, that person is quick to downplay your success. Ignon ra dayon ka nila, swerte² ra man na. Karon ra man na. Di nila ikalipay imong naabot, possibly because it makes them feel less accomplished or important.

NUMBER 7

DEFENSIVE KAAYO

Bisa'g unsa ka gamay sa storya, ila jud ng depensahan ilang kaugalingon. Bisa'g dili ikadaot sa ila, isipon nila nga nanghilabot ka nila. Sobra sila ka sensitive sa ilang kaugalingon pero wa silay empatiya sa ubang taw. Mora sila'g nagpuyo sa balay nga way bintana kay di man nila makita ang mga taw sa ilang palibot. Sa sobraan ka defensive, nag cause na noon og away ug madaot pa jud ang panaghigalaay. Gipakita lang nila nga di sila emotionally mature. Di nila dawat nga sayop sila. Sila ang sayop, sila pa ang mo depensa, ikaw pa ang mangayo'g pasaylo.

NUMBER 8

DI SILA MAPASALAMATON

Wa silay paki kung unsa ilang nadawat. Wa silay paki kung unsay nindot nga nahitabo sa ilang kinabuhi. They often take things for granted and fail to appreciate the good in their lives and they don't appreciate the people around them. Di sila magpasalamat sa imong gibuhat nga kaayohan kay sa paminaw nila, sila man ang nibuhat og maayo sa mga taw.

Timan-i nga ang pagpasalamat kay nindot ni nga pamatasan. Kung gi-appreciate nimo ang tanang nahitabo, mogaan pod imong gibati.

TAGALOG VIDEO: https://youtu.be/Pb0COiObF1o?si=A9oK5h-VyLD4sGsI