6 ka Butang Nga Angay Buhaton Imbes Magreklamo By Brain Power 2177

6 ka butang nga angay buhaton imbes nga magreklamo

Sige lang ba ka'g reklamo sa kinabuhi tungod sa mga problema? Way pulos imong pag complain kung wa kay gibuhat. Dili mag improve imong kinabuhi kung reklamo ra ka taman. Dayon ang pait pa jud, sa sige nimo'g reklamo, mopalayo na ang mga tawo sa imo kay samokan sila maminaw. Mosamot na noon kabug-at imong kinabuhi kay wa na kay maduolan. Mao ng hisgotan nato karon kung unsay angay buhaton imbes nga mag reklamo ka.

NUMBER 1

USBA ANG PANGLANTAW NIMO SA KINABUHI

Kung bag-ohon nimo imong perspective, kung bag-ohon nimo imong pokus, mausab jud imong kinabuhi. Kay kung negative na ka permi, mao nay mohurot sa imong kusog imbes kanang kusuga kay magamit nimo para masuklan ang problema. Kung naa ka sa bati nga kahimtang karon, hunahunaa jud nga kana imong kahimtang di man na permenti in-ana. Sama gud na sa positibong kahimtang, mahanaw ra pod. Balanse kaayo ang kinabuhi.

NUMBER 2

ANARA NGA MAGPASALAMAT

Kung mapansin gani nimo nga gareklamo na ka, ilisdi ang reklamo og PAGPASALAMAT. Bisan pa'g daghan ang bati nga nahitabo sa imong kinabuhi, daghan pod ang nindot nga butang ang nahitabo sa imo. Wa lang nimo napansin kay sa negative side ka nakapokus. Pananglitan, sobra ka-init ang panahon karon, ay'g reklamo nga init kaayo. Pasalamat nga mao nay makauga sa imong nilabhan. Kung sige po'g ulan, pasalamat kay mao nay mobubo sa nga pananom. Di ba lahi jud ang resulta kung MAPASALAMATON ka? Mapositibo ang panglantaw nimo sa kinabuhi. Pero ang pangutana, MAPASALAMATON ba ka? Na link pod ni ang PAGKAMAPASALAMATON sa atong HEALTH. Kay kung magpasalamat ta, positibo ang atong mabati. Mas mapokusan na noon nato ang positibong panghitabo. The more nga magpasalamat ta, the more pod natong makita ang maayong butang.

NUMBER 3

ATUBANGA IMONG PROBLEMA

Kitang tanan lahi² ta'g pagsulay ug problema. Pero isipon na lang nato nga di na problema, kundili mga challenges nato. Kung di nato atubangon ang problema, mosamot kadaghan ang problema. Dapat aksyonan nato. Way mahimo ang reklamo. Sige ka'g reklamo unya sige po'g pundo ang problema unya ugma lahi na pod ang problema, magpatong-patong na noon ang problema. Mosamot na pod imong pag reklamo. Mao ng atubanga imong problema, solbara imong problema.

NUMBER 4

PANGAYO'G TABANG

Imbes mo-reklamo ka, mas maayo nga mangayo na lang ka'g tabang. Ayaw kaulaw'g duol sa imong mga higala o sa imong ginikanan. Dako kaayo'g positibong epekto ang emotional support. Ipagawas ang imong gibati para mahupayan ka nila.

NUMBER 5

LIHOK

Kung daghan kay ka'g yaw² unya wa kay gibuhat, buot pasabot nga gidesisyonan nimo nga magpundo ra ka ana nga sitwasyon. In short, sala ra gihapon nimo so unsa pay pulos sa imong pagreklamo? If a man does not train his mind to think correctly, he will be unhappy. If you don’t like something, change it. If you can’t change it, then change your attitude about it, but whatever you choose to do, don’t complain about it if you are not willing to do something to make a change for the better.

NUMBER 6

PALAYO SA MGA NEGATIBONG TAWO

Kung sige ta'g dikit sa mga tawo nga permi natong gikauban, mahisama ta nila. Kung reklamador ang mga nakapalibot sa imo, matakdan pod ka ana nga batasan. Pamili og maayong mga higala. Obserbahi kung unsa klaseha ng mga tawo nga naa sa imong palibot. Kung negatibo sila, putla ang panaghigalaay ninyo. Kung buhaton na nimo, magamay imong mga higala pero motaas pod ang respeto nimo sa imong kaugalingon ug naa pay mahigala nimo nga mga positibong tawo. Pero wa ko gaingon nga i-abandon sila  You don’t have to abandon people you’ve been friends with for years, but instead, take more time for yourself, or spend more time with those who are either more positive, or are actively engaged in pastimes that inspire positivity.