8 SIGNS nga NASUYA sila sa imo
SUYAON, MASINAHON, mosugot man ka'g sa dili, kitang tanan naay in-ani nga emosyon. Datu man ka o pobre, naa juy panahon nga masuya ka. Ayaw'g kaulaw kay natural ra na nga emosyon. Pero kung kasuya na lang ang nagkontrol sa imong kinabuhi, mao nay dili normal.
Pero naa poy kasuya nga maayo. Kana bitawng nasuya ka pero ang kasuya nimo kay nahimo nimong motivation o tungod sa imong kasuya, na-encourage ka nga mas molihok pa. Kanang mahimo nato'g inspirasyon ang uban ba. Pero ikaw ra may nakabalo kung kana ba imong kasuya daotan o dili. Kay kung daotan na imong gibati, panahon na para tangtangon ta na nga kinaiya.
Kaning kasuya man gud o kasina, seryoso kaayo ni nga problema. Pananglitan, naay kasuya ang tawo sa imo, mangita jud na siya'g paagi para madaot ka, para ma-down ka, para maguol ka. Di pod nato sila malikayan kay usahay di ta kabalo kung suyaon ba na siya kay magpa as if man pod nga supportive. Pero deep inside naa na man diay kasuya. Mao ng gibuhat ko ni nga video para mahibal-an nato kung unsay timailhan nga nasuya ang tawo sa imo.
NUMBER 1
PEKE ILANG PAGDAYEG SA IMO
Gidayeg kunuhay ka pero halata kaayo nga peke lang nga pagtagad. Makita man na sa mata ug sa lihok. Usahay gani ma-feel nato nga peke ilang tinagdan. Nagpasumangil ra na sila'g dayeg² para dili mahalata ba nga nasuya sila sa imong naabot. Kana bitawng abi nimo'g wa sila ga-like kay nasuya na pero naa poy nag like² lang sa imong post para ignon nga wa nasuya.
Unsa may dapat nimong buhaton? Ipakita sa ila ang kamaayo o ang tinuod nga pagdayeg. Kung insincere gani sila sa imo, ayaw sila'g balsi nga in-ana. Give them genuine compliments whenever you feel that they deserve them. Nain-ana sila kay naay kulang sa ilang kasing² nga angayng pun-an. Ug mao nay ipuno nimo, ang TINUOD NGA COMPLIMENTS. Bahogi sila'g positibong pulong ba. Be a good example to them.
NUMBER 2
GINAHAN SILANG MA-DOWN KA
Ang mga tawong naay kasuya nimo, permi na silang gaatang kung kanus-a ka ma-down kay mao na ang ilang kalipay. Kay kung makita man gud nila nga na-down ka, feeling nila nga sila ang angat. Ang pangutana lang kon nganong masuya pa man nga kitang tanan naa man tay iya² nga problema. Life has suffering. We can try to avoid it or pretend it doesn't exist. But when we recognize suffering, and try to alleviate it, that is when we learn how to be compassionate. Ato na lang silang i-encourage nga mobuhat og maayo sa kinabuhi para motaas ang ilang confidence ug para sa ilang kaugalingon na sila magpokus.
NUMBER 3
DI SILA GINAHAN NGA MALIPAY KA
Kana bitawng naa kay planong buhaton unya sila ang unang mobabag sa imo. Moingon dayon sila nga, “Na, lisod kay na buhaton”. Permi silang mohatag og negatibong opinyon para di ka mopadayon. Kung feel nimo nga ningbabag sila, palayo diretso. Keep your guard up and remove those toxic people. Ayaw'g tugoti nga tungod nila, mawala imong kalipay. No one has the right to diminish your value. The greatest lesson I've learned: LEARN TO MAKE ENEMIES because not everyone will be your friend no matter how nice you are.
NUMBER 4
DI KA NILA TUDLU-AN
Di sila gusto nga naa kay kaalam kay basin molabaw na unya ka ba. Sama ra gud na sa trabahoan. Kung bag-o pa ka, imbes nga tudluan ka, pasagdan na noon ka. Usahay i-discourage ka nila para di ka mopadayon. Pwede nimo silang prankahan nga di man kompetisyon ang kinabuhi.
NUMBER 5
AWATON KA NILA
Matod pa sa panultihon, IMITATION IS THE HIGHEST FORM OF FLATTERY mao ng ayaw'g kasuko kung awaton nila imong style kay buot pasabot, naa na diay ka sa babaw. Gusto man gud nilang masulayan kung unsay imong nasulayan. Di man gud nila makab-ot ilang pangandoy gamit ang ilang paagi mao ng awaton ka nila. Pero ang bati lang sa pag awat² kay mawala ilang kaugalingong idea ug ilang unique nature.
NUMBER 6
LIBAKON KA NILA
Some people will make you look bad subtly, but some are happy to blatantly spread gossip about you or make snide comments behind your back. Pero ayaw'g tumpangi. Gilibak man ka nila pero sila ang nagpas-an sa negativity. Mga weak minded na sila, mga kulang sa pansin. They need other people's approval to validate their self-worth. Ikaw ilang topic kay wa man silay ma-topic bahin sa ilang kinabuhi. It means boring kaayo ilang kinabuhi. People reveal a lot more about themselves than about the person they are talking about. Ang buhaton lang nimo kay pagpokus sa imong kinabuhi.
NUMBER 7
DI SILA MOSUPORTA SA IMO
Di sila mosuporta sa imong negosyo, di sila mosuporta sa imong plano, di sila mosuporta sa imong YouTube Channel o Facebook Page, o unsa pa na diha. Di sila mosuporta kay mahadlok sila nga moangat ka. Ikamatay nila imong paglambo. Di sila gusto nga mabag-o imong kinabuhi. Pero ang kataw-anan lang ani kay kung ma-down ka, sila ang una mo-comfort sa imo para ignon ba nga concern kunuhay pero malipayon man diay sila sa imong pagbagsak.
NUMBER 8
DI SILA MAGPAPILDI
Ilang turing sa imo kay kontra o kakompetensiya. Kung unsa imong kaya, ilang labwan. Hangtod nga moabot sa punto nga mangdaot sila para lang molabaw pa sila. Mao nay di maayo.
Comments
Post a Comment